एकसुरो

Posted By रुपाली मावजो कीर्तनी | 22 May 2015 12:22 IST

त्याय दिसा, असोच हार घेवन,

हांव तुज्या मुखार ऊबो आसलों .

आजय तसोच उबो आसां. 

त्याय दिसा तुज्या गळ्यांत  हार घालतना

काळीज म्हजें धडधडटालें 

आयज ताज्या दुपेटीन धडधडटां

त्या दिसा हांव असोंच विचारांत सांपडिल्लों  

फुडली जीण कशी आसत हें येवजितालों

आयजय विचारांच्या हुंवारांत सांपडलां 

फुडली जीण कशी सारतलो म्हणपाचें येवजितां 

त्या दिसा तुजो हात धारून होमा भोंवतणीं काडिल्ले फेरे

आनी तुजे वांगडा आजवेर चल्लों 

आयज …

आयज तुज्या भोंवतणीं हांव फेरे काडटां

आनी …

फुडली वाट मात चलतलों…

एकसुरो … अेकलों