मारीत राव पांखां

Posted By रुपाली मावजो कीर्तनी | 26 April 2013 01:13 IST

मारीत राव पांखां

 

कल्ल तॊडून आतांच तुंवे

घोटेरांत मारली उडी

उक्तें मळब रावला तुका

पुरॊ कर आतां रडी

 

चोचेंत तुज्या जिविताचो

कणानकण घालीन हांव

पाखां पसरावन भोंवती तुज्या

सांबाळीत रावीन हांव

 

हळू हऴू यत्न कर

उघडूंक तुजी नाजूक पांखा

झाडाची वयली तेंगशी

गांठची आसा पयली तुका

 

नदर सदांच आसूं वयर

सकयल वाकून पळय नाका

पडचें पयलीच धरीन हांव

भंय कसलोच बाळगी नाका

 

मारीत राव पांखां तूं

राखण करुंक हांव आसा

हात पसरावन रावला मळब

तुका वेंग ताजी गांठची आसा

          ---- रुपाली किर्तनी