अंदूंचो गोवा युवा महोत्सव पणजे 12-13 डिसेंबरा

गोवा न्यूज खबरो, पणजी | 11 October 2015 17:48 IST

कोंकणी भाशा मंडळाचो अंदूंचो 21 वो गोवा युवा महोत्सव 12 आनी 13 डिसेंबरा पणजे शारांत जातलो.

हो महोत्सव गोंय विद्यापीठ आनी पणजी महानगरपालिका हांचे जोडपालवान जातलो.

हालींच जाल्ले कोंकणी भाशा मंडळाच्या वावुरप्यांचे बसकेंत हो निर्णय जालो.

महोत्सवाचे येवकाराध्यक्ष म्हुणून पणजेचे आमदार सिध्दार्थ कुंकळ्येकार हांची एकमतान निवड केली.

ह्या संबंदान हालींच कोंकणी भाशा मंडळाच्या जाळवणदारांनी सिध्दार्थ कुंकळ्येकार हांचे वांगडा बसका घेवन महोत्सवाच्या आयोजना संबद्दान चर्चाय केली.

 

युवा महोत्सवाच्या आयोजनांत कसलोच उणाव पडूंक दिवचों ना अशें उतर तांणी ह्या वेळार दिलें.

21वो युवा महोत्सव 12 आनी 13 डिसेंबर 2015 दीसा जातलो.

दर वर्सा प्रमाण अंदूय महोत्सवाच्यो प्रवेशिका मंडळाच्या संकेत थळावेल्यान भरपाची वेवस्था आसतली.

हेविशिंची सगळी म्हायती आनी महोत्सवाची कार्यावळ रोखडीच मंडळाच्या संकेत थळार तशेंच मंडळाचे फेसबूक पेजीचेरय मेळटली अशें भाशा मंडळान कळयलां. 


goanews.com is now on Telegram & also Youtube. Kindly subscribe for free & remain updated.


Drop a comment

Enter The Code Displayed hereRefresh Image


Latest News

Yuva Mahotsav