शिकिल्ले पात्र गोंयकार मेळनात देखून विद्यापीठांत भायल्यांची नेमणूक?
गोवा न्यूज खबरो | 03 August 2015 14:54 IST
कोंकणीचें गिन्यान आनी 15 वर्सांच्या राबित्याची अट भारतीय जनता पार्टीच्या सरकाराकडल्यान सदळ करून घेवन गोंय विद्यापिठान फाटल्या दोन वर्सांत स बिगर-गोंयकार प्राध्यापकांची नेमणूक केल्या.
तातूंतले दोग जाण पयलींसवान विद्यापिठांत शिकयताले आनी तांका बडटी दिल्या.
हेर चार नेमणुको मात नव्यो आसात.
1 जानेवारी 2013 ते 30 जून 2015 मेरेन गोंय विद्यापिठान वट्ट 15 प्राध्यापकांच्यो नेमणुको केल्यात.
सरकार पक्षाचे सांत आंद्रेचे आमदार विष्णू वाघान विधानसभेंत विचारिल्ल्या प्रस्नाक स्वता शिक्षण खातें सांबाळपी मुख्यमंत्री लक्ष्मीकांत पार्सेकारान ही जाप दिल्या.
मात कोंकणीच्या गिन्यानाची आवश्यकता ही अट गोंय विद्यापिठांत सर्वसादारणपणआन अजून लागू आसा अशेंय तांणी सांगलां.
हे म्हायती प्रमाण नव्यान नेमणूक केल्ले कोंकणीचें कांयच गिन्यान नाशिल्ले चार गोंयांभायले प्राध्यापक अशेः
1. डॉ पंकज सिंग ह्या मुंबयच्या उमेदवाराची 23 जुलय 2014 ह्या दिसा रसायनशास्त्राचे सहाय्यक प्राध्यापक म्हूण नेमणूक. तांची पात्रता एम् एस्सी, पीएचडी.
2. बिपन बिहारी तिवारी ह्या दिल्लीच्या उमेदवाराची 23 फेब्रुवारी 2015 ह्या दिसा हिंदीचे सहाय्यक प्राध्यापक म्हूण नेमणूक. तांची पात्रता एम्ए नॅट.
3. पायस्विनी पी ह्या कर्नाटकांतल्या पुट्टूर हांगासल्ल्या उमेदावाराची कम्प्युटर सायन्स आनी तंत्रज्ञानाची सहाय्यक प्राध्यापक म्हूण नेमणूक. तिची पात्रता एम्एस्सी नॅट.
4. अंजली चौबे ह्या आंध्र प्रदेशांतल्या उमेदवाराची इंग्लिशीची सहाय्यक प्राध्यापक म्हूण नेमणूक. तिची पात्रता एम्ए नॅट.
ते भायर डॉ प्रणब मुखोपाध्याय हे 1996 सावन गोंय विद्यापिठांत अर्थशास्त्र शिकयताले. तांची 30 सप्टेंबर 2014 ह्या दिसा प्राध्यापक पदाचेर बडटी दिवन नेमणूक जाली.
तेचभाशेन डॉ बी आर श्रीनिवासन हे 1990 सावन गोंय विद्यापिठांत रसायनशास्त्र शिकयताले. तांचीय 30 सप्टेंबर 2014 ह्या दिसा प्राध्यापक पदाचेर बडटी दिवन नेमणूक जाली.
गोंय विद्यापिठान पयलीं एकाच वर्सा खातीर कोंकणीच्या गिन्यानाची अट सदळ करून मागिल्ली. उपरांत ती आनीक एका वर्सान वाडयली अशेंय पार्सेकारान सांगलें.
पूण विधानसभेंत हो प्रस्न चर्चेक आयलो ना. देखून ह्या नेमणुकां खातीर कोंकणी आनी राबित्याचे सक्तीच्यो अटी शिथील करपाची गोंय विद्यापिठाक कित्याक गरज दिसली हाचेर चर्चा जावंक शकली ना.
तशेंच ह्यो सगळ्यो पात्रता आशिल्ले गोंयकार उमेदवार गोंयांत मेळनात काय कितें हाचेरय उजवाड पडपाक शकलोना.
तेचवरीं ही अट तिसऱ्याय वर्सा खातीर सदळ करून मागल्या काय कितें हाचेरय उजवाड पडूंक शकलो ना.
पूण कोंकणीचो गंध नाशिल्ल्या आनी गोंयकार नाशिल्ल्या कोणाकय आतां गोंय विद्यापीठांत नोकरी मेळपाक शकता आनी ते खातीर सरकार ही अट सदळ करता हें सिद्ध जालां.
Drop a comment
Latest News
- 77 वर्सांचो ‘स्पश्टवक्तो तरणाटो’ तानाजीबाब गेलो
- Goa lost a multi-faceted personality; Dr Suresh Gundu Amonkar
- Goa Govt bans recruitments, appointments from today
- 'Independent' PG students perform hattrick, sweep GU poll 19/20
- Goa University’s ex-Reader Prof Sahni to take over as new VC
- HC grants interim relief to Khalap’s Mandrem College, CM faces setback
- Goa University ranks 20 among first 100 in India, 100% in GO
- Students agitate; CM disapproves of Harmalkar’s hate-speech
- I'll beat up Kanhaiha, threatens BJP Harmalkar; students condemn it
- Parsekar closes ‘file’ of Khalap’s Mandrem College in the Assembly debate
Education
- No SSC or ITI? No Govt service!
- 'Independent' PG students perform hattrick, sweep GU poll 19/20
- Introduce Romi Konkani at primary level to resolve MoI issue: Wagh
- Goa University’s ex-Reader Prof Sahni to take over as new VC
- “Don’t fool us”: FORCE; “It’s Parsekari Tiatr”: BBSM
- One more Com to decide on MoI-Grants as BBSM-FORCE make it a poll issue
- When CM confronts the BBSM demonstrators face-to-face…
- RSS denies running Eng primary schools
- RSS runs Eng primary schools: FORCE exposes Sangh game
- BBSM snaps talks with Govt, Bhembre Com to decide poll strategy
