हांव मात सहज जगतां

Posted By सोनिया सिरसाट | 20 May 2013 21:49 IST

 

कळत-नकळत हांव

मना विरुद्द वागतां,

संवयेचेर पडलां सगळें

यांत्रीक जीण जगतां.

 

वळखीचो मनीस दिसल्यार

हांसते मुखान हडकितां,

‘बरें आसा’ म्हण सांगतना

म्हजे म्हाकांच फटयतां.

 

भाशण सोंपलें, ताळयो मारतां

मुद्याचो विचार हांव भोव करतां,

माफी आनी उपकाराचो सूर

नाकां-थंय लायतां.

 

सुख वाट्याक येवचें म्हण

खीणा-खीणाक जिणेक खुट्टां,

जगप इतलें सोंपें न्हय म्हणटात

पूण हांव मात सहज जगतां.

 

0-0-0