मुट्टॆ

Posted By उदय नरसिंह म्हांबरॊ | 03 May 2013 22:03 IST

 

 

तांबडॆ, हळडुवॆ, पांचवॆ

तरणॆ, आमुरपिकॆ, पिकॆ

मुट्टॆ सगळॆ दॊणींत घालचॆ

पांयापॊंदा माड्डून,

चिड्डून, पिळून,

तुमी काडचॊ रॊस

आनी उरचॊ फकत चॊथॊ

तरी,

जालॆचना तुमचॆं समाधान दॆखून,

चॊथॊ वालिनीं बांदून,

ताचॆर दवरचॊ एक व्हडलॊ फातर

आनी थॆंब थॆंब गळपी निरॊ

तॊवूय तुमीच घॊटचॊ.

 

रॊस पुराय दॆंवतकूच

चॊथॊ मारचॊ मॊखून भायर

दुसरॆ दिसा दॊणींत 

दुसरॆ मुट्टॆ तयार माड्डून घॆवपाक!