पिशें मन

Posted By अन्वेषा सिंगबाळ | 23 April 2013 13:27 IST

ताची म्हजी भेट

घडून घडना,

मनांत आसून लेगीत

गांठ पडना.

ताणें कांय वर्सां पयलीं

घाल्लो साद,

सपनांक म्हज्या दिल्लो

नवो गाज.

ल्हवूच फुलयल्लो

कांटो आंगार,

चडयल्लो नवो रंग

मन पांखार.

चोर पावलांनी रिगील्लें

म्हजें जिणेंत,

घेवन गेल्लें

नव्या हावेसांच्या दुनियेंत.

तें अचकीत सोडून गेले

अर्दे वाटेर

आता परत

तेच रस्ते कांटयारे

तुजे विणे गो,

पिशें मना...