पावसा अंदू...

Posted By अन्वेषा सिंगबाळ | 12 March 2013 06:28 IST

पावसा अंदू

मातसो बेगीन यो,

मनां जळटात

काळजां हुलपतात

ताची आवयबापूय

अजूनय हुंडक्यांनी रडटात.

 

पावसा अंदू मातशी

ताकीत कर,

झाडां पेडां

न्हयो दर्या

सगळ्या सांगातान

तांकांय भिजय.

 

पावसा अंदू

धांवत यो,

तापील्ले रखरखीत

धर्तरे वांगडाच

त्या बाविल्ले अपसरेकय

वेंगेत धर.

 

पावसा अंदू

तिश्टोव नाका,

सगळ्यांनी निर्शेयला रे

तूं मात

डाव बिगडोव नाका.