'इंग्लीश' पालकांचो रास्ता रोको, हायवेंचेर येरादारीची गचिमु्ड्डी
गोवा न्यूज खबरो | 31 July 2015 11:01 IST
पणजे एके वटेच्यान गाडयोच गाडयो, दुसरे वटेन गाडयो शारांत पावल्योच नात
सगळ्या इंग्लीश शाळांत सरकारी अनुदान दिवचें ही मागणी घेवन आंदोलन करपी फोर्स हे संघटनेच्या पालकांनी आज सकाळीं एक वर गोंयभर हायवेचेर रास्ता रोको केल्ल्यान वचत थंय येरादारीची गचिमुड्डी जाली.
रस्त्यार वचत थंय गाडयो आडकून पडिल्ल्यान रस्ते मेकळे जावपाक आनीक एक वरभर गेलें.
मेळिल्ले म्हायतीप्रमाण फोर्स संघटनेच्या पालकांनी कोणाक कळपाक दिनासतना आयज सकाळीं अचकीत 9 वरांचेर रस्ते आडायले.
उत्तर गोंयांत मुखेलपणान पणजे पाटो पुलाचेर, म्हापशेंच्या रस्त्यार ग्रीन पार्क हॉटेलाच्या जंक्शनाचेर आनी सांताक्रूझ बाय पासाचेर रस्ते आडायिल्ले.
दक्षीण गोंयांत फोंडेच्या रस्त्यार बोरये पुलाचेर, साश्टींत मडगांव जिल्लोधिकारी कार्यालयामुखार, नुव्यां, नावेलीं, कुंकळ्ळे, चिंचोणे जंक्शनाचेर, बाणावले, कोलव्यां आनी केप्यांय रस्ते आडायल्ले.
अचकीत रस्ते आडायिल्ल्यान पुलिसांक लेगीत आंदोलकांम्हऱ्यांत पावप शक्य जालें ना. उपरांत 10 वरांचेर आंदोलक रस्त्यांवेल्यान उठले. पूण येरादारी सुरळीत जावपाक आनीक एक वरभर गेलें.
27 जुलयाच्यान फोर्स संघटनेच्या पालकांनी पणजे आझाद मैदानाचेर शांततायेन आपलें आंदोलन सुरू केल्लें. तांचे फुडारी थंय आमरण उपास आनी सांखळी उपासाकय बशिल्ले आसात.
पूण हें आंदोलन मोडून काडपा खातीर पयलीं सरकारी यंत्रणेन पालकांक घेवन येवपी भाड्याच्या गाडयांक तालांव दिवपाक सुरवात केली.
तरिकय पालक येत आसात हें पळयतकीर तांकां आझाद मैदान मेकळें करपाक लागलें.
ताचोच परिणाम म्हुणून आज पालक रस्त्यार देंवले आनी तांणी सरकाराक एक सणसणीत दणको दिलो.
सध्या ज्या इंग्लीश प्राथमीक शाळांक अनुदान मेळटा तें चालूच दवरतलें, पूण भाशा माध्यमाचें धोरण चिकित्सा समितीकडेन गेल्लें विधेयकर परत येतकीर थारायतलें अशें मुख्यमंत्री लक्ष्मीकांत पार्सेकारान हाचे आदींच जाहीर केलां.
तरिकय हें धोरण बेगीन थारावचें आनी गोंयांतल्या सगळ्याच इंग्लीश प्राथमीक शाळांक सरकारी अनुदान दिवचें अशी मागणी करून फोर्स संघटनेन हें आंदोलन सुरू केलां.
Drop a comment
Latest News
- After 50, Marathi honours Konkani as the Chief Guest at All India Sahitya Sammelan
- Deficit budget presented, but no taxes! Each Goan has a Rs 1.46 lakh loan!!
- कोणें दवल्लें गोंय राखून?
- Goa’s Pride, India’s best film editor, Waman Bhonsle, no more
- Covid death rate of Sept equals to last two months, 61% being treated at home
- Will anti-CAA rally of Church change political equations in Goa?
- Did Nehru really delay Liberation of Goa?
- Congress won South Goa, but BJP gained!
- Not ‘sacred’, a ‘secret’ vote will dominate
- Newton - Jhande aur Dande se desh banta hai
Other Issues
- Will anti-CAA rally of Church change political equations in Goa?
- Historic Loliem Gram Sabha over IIT adjourned amidst confusion
- Goa lifeguards to go on strike once again
- GF marches to Verna, demand legislation on 80% jobs to locals
- What is true? The House Com or Govt’s warning to act against Dhirio?
- Fr Eremito shouldn’t exploit religion to mobilise people against Mopa: Mickky
- Following protests, Govt disallows function on ‘Godse book’ on Martyrs’ Day
- Advani opposes Goa House Com on Dhirio, Manmohan joins him
- Benjo new head of House Com on Dhirio as SC stays Jallikattu
- North Goa lawyers go offensive, decide to attend courts ‘under protest’
