सरभोंवतणी म्हज्या

Posted By रुपाली मावजो कीर्तनी | 21 February 2013 19:19 IST

सरभोंवतणी म्हज्या

हांव जियेवप कशें शिकलें

झाडां-पेडां, चंद्र ,सुर्य

नदी कुपांनी  शिकयलें...

 

नद्ये कडल्यान शिकलें

व्हांवत कशें रावचे

बेरंग आसून लेगीत

निळें कशें दिसचें

 

झाडां पेडांन शिकयलें

सावळी दिंवक धोलचें

सुकून लेगीत गेले जाल्यार

जोळोव जावन जळचें

 

फुलां कडल्यान शिकलें

परमळ पसरायत फुलचें

चोखून काडलें म्होंव जरी

म्होंवाळ सदांच उरचें

 

 

चंद्रा कडल्यान शिकलें

काळखांत उठून दिसचें

किर्णांकडल्यान घेवन उजवाड

दुसऱ्यांक कशें पावचें

 

सूर्यान म्हाका शिकयले

रखरकीत रावचें

तापचें केन्ना चड कमी

मोव केन्ना पडचें

 

कुपां कडल्यान शिकले

मळब भर पातळचें

धवी जांव काळी जांव

आस दीत रावचें

 

रस्त्या कडल्यान शिकले

वाट दाखोंवक जल्मोवचे

वाकड्या तिकड्या मोडणानी

सांगात दीत रावचें

 

वाट दाखोवपी रस्तो जांव

व्हांवत रावपी वारो जांव

सरभोंवतणी कितें ना कितें

शिकतच रावता हांव..

 

Drop a comment

Error in sending the comment

Enter The Code Displayed hereRefresh Image


Previous Comments

Enjoyed a nice Konkani poem after a long time.

Good luck!

- Prabhu Malkarnekar, Goa | 22 nd February 2013 04:20

 

Related Blogs