पिशें पिशें मन

Posted By रुपाली मावजो कीर्तनी | 10 December 2012 23:05 IST

पिशें पिशें मन

 

पिशें पिशें मन म्हजें

चार चौगांत सोदता तुका

सगळ्यां मदीं बसला तरी

मुखार तुंच दिसता म्हाका

 

बिंब तुजें पडलां अशें

पिश्या पिश्या मनांत म्हज्या

दर स्वास काळजाचो

यादीन भरुन येता तुज्या

 

मोग बसला काळजांत

पिराय वाडटा वर्सांनी

मन म्हजें पिशें आजूय

सोदता चारुय दिकांनी

 

विचार केन्नाय येता म्हाका

तुकाय अशेंच जाता काय?

म्हरयांत तुज्या नासता तेन्ना

अुणीव तुकाय भासता काय?

 

अंतरलो संवसार जर

दिसतलें काय हांव तुका?

चार चौगां मदीं तेन्ना

सोदतलो काय तुं म्हाका?

Drop a comment

Error in sending the comment

Enter The Code Displayed hereRefresh Image


Previous Comments

व्वा... सूंदर...

- अन्वेषा, मडगांव गोंय | 11 th December 2012 19:31

 

Related Blogs